Oxumağı tövsiyə edirik:

8 noyabr zefer gunune aid seirler

Nicat Ismayılov

Vətən müharibəsində
Biz qələbə qazandıq.
Bu gün Anım Günüdür
Qəhrəmanları andıq.

Tarix yazdı igidlər,
Hamısı əzizimizdir.
44 günlük müharibə,
Şanlı tariximizdir!

Dəmir yumruq düşmənin,
Mənfur başını əzdi.
Düşmənlər Qarabağda
Daim qala bilməzdi.

İndi azad Qarabağ
Günbəgün abadlaşır.
Mənim qədim torpağım!
Sənə bu çox yaraşır.

Bizə Zəfər yaşatdı,
İgid oğullarımız.
Hər birini anırıq,
Minnətdarıq hamımız!

Yaşa, Vətən, çox yaşa,
Yaraşır Zəfər sənə!
Alqış, min kərə alqış
Zəfəri bəxş edənə!

Həsrət bitdi Qarabağ

Qarabağı işğaldan,
Azad etdi igidlər.
Heç zaman unutmarıq,
Tarix yazdı şəhidlər.

44 gündə düşmənə,
Qəhrəmanlar çəkdi dağ.
30 il ayrı qaldıq,
Həsrət bitdi, Qarabağ.

Keçdi qorxmaz oğullar,
Od-alovun içindən.
Danışacaq nəsillər,
Onların mərdliyindən.

Aylar, illər ötəcək,
Qürurla anacağıq.
Şəhidlər ölməzdilər,
Birgəyik sanacağıq.

Əziz Vətən, can Vətən,
İgidlərin var olsun.
Oğlun, qızın səninlə
Daim bəxtiyar olsun.

Zəfər Valeh Məhərrəmli

Ordumuz “hay”ların burnunun əzdi,
Oldu şücaəti dillərdə əzbər.
Xeyirxah çöhrədə təbəssüm gəzdi,
Xıltlı ürəkləri şaşırdı xəbər.

Keçdi əlimizə mühüm zirvələr,
Erməni ordusu aldı zərbələr,
Zəncir çeynəməkdə hami zorbalar,
Çoxunun belini əydi bu zəfər.

Bəs etdi orduma ikicə gecə,
İşğalçı inansın bizdəki gücə,
Barmaq silkələdi Aqramunt Serjə,
“Yaxşıdır” söylədi cilovlansa şər.

Hamilər yığını şok içində tam,
İstərlər çəkələr bu işə əncam,
Ali Baş Komandan versə sərəncam,
Ordumuz düşmənin başını əzər.

Erməni sarsılıb dəlilərsayaq,
Hayın arxasında seyrəlir dayaq,
Haqsızlıq yeriməz, tutsa da ayaq,
Haqlı haqq işiylə aləmi bəzər.

Birlik yolumuzun üstündə mayak,
Bu gün kükrəməkdə, hayqırmaqda xalq,
Başımız üstündə üçrəngli bayraq,
Qarabağ bir yanda, bir yanda Xəzər.

Ancaq xeyirxah kəs görər yaxşı iş,
İşğalçı işğala edibdi vərdiş,
Bizim xeyrimizə çevrilib gərdiş,
Tezliklə dəf olar, Valeh, bədnəzər.

Tövsiyə edirik × − +