Atalar sozleri

Baca juga:



    Atalar sozleri

    Atalar aid atalar sozleri

    atalar sozu

    • Bağ vaxtı bağbanın qulağı ağır eşidər.
    • Bağa bax üzüm olsun, yeməyə üzün olsun.
    • Bağa baxarsan bağ olar, baxmazsan dağ olar.
    • Bağban tələsər, armud vaxtında yetişər.
    • Bağda ərik var idi, salam-məleyik var idi; Bağdan ərik qurtardı, salam-məleyik qurtardı.
    • Bağı bağban yeyər, qoyunu çoban.
    • Bağa özün çəkə bilməz, evin dalına alar.
    • Bağanı ya öldür, ya dalısı üstə qoy.
    • Baxmaqla öyrənmək olsa, itdən qəssab olardı.
    • Bal verən çiçəyi arı tanıyar.
    • Bal yedin, bəlaya düşdün.
    • Bal yeyib, bəlasını çəkir.
    • Bala baldan şirindir.
    • Bala quşun ağzı böyük olar.
    • Balalı qarğa bal yeməz.
    • Balalı qarğaya yem yoxdu.
    • Baldızım – çuvaldızım, hərdən gələr, sancar, gedər.
    • Balığı haçan tutsan təzədir.
    • Balığı ya öldürdün, ya sudan qırağa qoydun.
    • Balığın dirisi də suda, ölüsü də.
    • Balıq balığı udmasa - dəryanı balıq tutar.
    • Balıq başdan iylənər.
    • Balıq sudaykən sövda olmaz.
    • Balıq suya çəkər.
    • Balıq tutan suyu bulanıq istər.
    • Balını ye, arısını soruşma.
    • Balta ağac kəsməzdi, sapı ağac olmasaydı.
    • Baltada varsa, sapında da var.
    • Baltanı dibdən vurmazlar.
    • Baltanı qızıldan elərsən, gedər odunun yanına düşər.
    • Bar verən ağacı kəsməzlər.
    • Barlı ağaca daş atarlar.
    • Barlı ağacın başına dolanarlar.
    • Barmaq-barmaq oğurlayan, qarış-qarış oğurladar.
    • Barmağın hansın kəssən, ağrısı birdir.
    • Barmağının beşini də bal elə, pis adamın ağzına sal, yenə deyər: acıdır.
    • Barsız ağaca daş atmazlar.
    • Barıt ilə odun dostluğu olmaz.
    • Basdırdığı ölü özündən qabaq gəldi.
    • Baş namərd əlindədir; nə kəsər, nə bağışlar.
    • Baş onun, daş bunun, mənimki görməməkdi.
    • Baş sağ olsun, papaq tapılar.
    • Başa dil gətirəni, el gətirə bilməz.
    • Başa düş, başımı yar.
    • Başa gələn dildən gələr.
    • Başaçığın qaçacağı yer - papaqçı dükanı.
    • Baş-başa verməyincə, dağ yerindən qopmaz.
    • Başbilənsiz iş olmaz.
    • Başda oturan bəy olmaz.
    • Başımı sındır, məzənnəni sındırma.
    • Başımı yarırsan, ətəyimə qoz tökürsən, baxan desin qoz yarıb.
    • Başımı yarmağına görə barı daş olaydı.
    • Başın keçəl, gözün kor, bəs sənin haran yaxşıdır?!
    • Başına daş da salsan uca yerdən sal.
    • Başını itirən tel üçün ağlamaz.
    • Başını keçəl eləmə; hər keçəlin taleyi bir olmaz.
    • Başladığın işi yarımçıq qoyma.
    • Başlı başın saxlasın, mən başımdan bezaram.
    • Başmaq cütlənəndə bilinər.
    • Başmaq palçıqsız olmaz.
    • Başmaqçının başmağı olmaz, börkçünün börkü.
    • Başmaqçının başmağı yırtıq olar.
    • Başmağımı geyə bilərsən, yerişimi yeriyə bilməzsən.
    • Bayırda mini ölsün, evimdə biri ölməsin.
    • Bayırı kaşı-çini, içərisi toyuq hini.
    • Bayquş xarabalıq sevər.
    • Bayquş xarabalığı gülüstana dəyişməz.
    • Bayram sümüyü ilə köpək kökəlməz.
    • Bayraməlisiz toy olmaz, Qəmbərsiz düyün.
    • Bazar içində it qulağı kəsməzlər.
    • Bazar quruldu, hesab duruldu.
    • Bazarın bazar, qadam sənə mərdiməzar.
    • Bənnasız divar hörülməz.
    • Bərəkət hərəkətdir.
    • Bekarlıq korluq (aclıq) gətirər.
    • Bekarlıqdansa - culfalıq.
    • Belə matahın var, Cəfərabad (Mazandaran) bazarına apar.
    • Belə şıllaq atan madyan qulun saxlamaz.
    • Belə otyeyən idin, nə üçün arıq düşdün?!
    • Belə yatan öküz yük götürməz.
    • Beş barmağın beşi də tən deyil.
    • Bez geyərəm, düz gəzərəm.
    • Bədcinslik maya istəməz.
    • Bədəsil əvvəl vəfa göstərər, sonra cəfa.
    • Bədəsildən əsil olmaz, boyunca qızıl qala.
    • Bədəsili başa çəkərsən, sürüşüb aşağı düşər.
    • Bədəsilin başmağını cütlərsən, deyər geridə dur.
    • Bədrəngdə bir rəngdir.
    • Bəhanəçiyə bəhanə əskik olmaz.
    • Bəhs ilə Həccə gedən yorular yolda qalar.
    • Bəxşiş var - valvarla, hesab var - dinarla.
    • Bəla bəla gətirər.
    • Bəla gələndə "gəlirəm" deməz.
    • Bəladan qaçan bəlaya tutular.
    • Bəlkə sən bostanını pozmusan, mən yemişsiz qalmayacağam ki...
    • Bəlkəni əkərsən bitməz.
    • Bəndə bəndəyə neylər, Xuda gözdən salmasa?!
    • Bənnasız hörük hörülməz.
    • Bənzəyə-bənzəyə yaz olar, bənzəyə-bənzəyə qış.
    • Bərəkət hada var? - böyüklü yerdə.
    • Bərəkət ondur, onu da düzlük.
    • Bəslə qarğanı, oysun gözünü.
    • Bəslə yetimi, yesin ətini.
    • Bəy dediyin nədir, bəyənmədiyin nə?!
    • Bəy don geydi, hamı dedi: mübarək olsun, Yoxsul geydi, hamı dedi: hardan gətirdin?!
    • Bəy ilə bəy savaşdı, ortada kasıbın başı yarıldı.
    • Bəy mənim arxam, mən kimdən qorxam?!
    • Bəy oğlu gördüm, tamaha düşdüm.
    • Bəy verən atın dişinə baxmazlar.
    • Bəyaz ipək hər rəngə boyanar.
    • Bəylə bostan əkənin tağı çiynində bitər.
    • Bəylə hacca gedən çöllərdə sərgərdan qalar.
    • Bəyliyi başarmadın, canın çıxsın belə gəz.
    • Bəzənmirəm ağadan qorxuram, bəzənirəm xanımdan.
    • Bildir gedən bildirçin, hanı sənin bir qılçın?
    • Bildir ölüb boz eşşək, bu il gəlin ağlayaq.
    • Bildir yedim bir incir, indi də qarnım incir.
    • Bildirçin camalabaddan hara gedər: dəni yanında, suyu yanında.
    • Bildirçinin bəyliyi darı sovrulanaacandır.
    • Bildiyindən danış, bilmədiyin səni güdaza verər.
    • Bilən az deyər, bilməyən yüz.
    • Bilənə bir, bilməyənə min oxu.
    • Bilənin də başına dönüm, bilməyənin də, dad yarımçıq əlindən.
    • Bilənlə bilməyən tay olmaz.
    • Biləyi güclü olan birin yıxar, biliyi güclü olan minin.
    • Bilmədiyin bildiyindən çoxdur.
    • Bilməmək ayıb deyil, soruşmamaq ayıbdır.
    • Bilməsən bir biləndən sor.
    • Bilsəydim atın öldüyünü, qulağı dolusu darıya satardım.
    • Bilsəydim dərdim iki olmazdı.
    • Bir ac güləyən olar, bir də yalavac.
    • Bir ac qudurğan olar, bir tox.
    • Bir ağacda gül də bitər, tikan da.
    • Bir ağıllı baş min başı saxlar.
    • Bir almağın bir də verməyi var.
    • Bir arxa ki, su gəlib, güman var yenə gələ.
    • Bir mıx bir nalı, bir nal bir atı, bir at bir igidi, bir igid bir eli qurtarar.
    • Bir ata yeddi oğulu dolandırdı, yeddi oğul bir atanı dolandırmadı.
    • Bir ayaq sən gəl, iki ayaq mən gəlim.
    • Bir barmaq baldan ötrü, tuluğun götün yırtmazlar.
    • Bir biləndən qorx, bir də bilməzdən.
    • Bir buğda əkməsən, min buğda biçməzsən.
    • Bir çılpağı yüz cübbəli soya bilməz.
    • Bir çıraq işığına yüz nəfər oturur.
    • Bir çıraq ki, haqdan yana, yağı neylər, yağı neylər.
    • Bir çörək özün ye, birin də Allah yolunda ver.
    • Bir çulum var ataram, harda gəldi yataram.
    • Bir çuval qızıl borcun olsun, bir çuval buğda borcun olmasın.
    • Bir dadan peşiman, bir dadmayan.
    • Bir dadanandan qorx, bir qudurandan.
    • Bir dağ yıxılmasa, bir dərə dolmaz.
    • Bir dana bir naxırı korlar.
    • Bir daş altda, bir daş üstə.
    • Bir daş qopanda daha yerini tutmaz.
    • Bir daşla divar olmaz.
    • Bir daşla iki quş vurmaq olmaz.
    • Bir də gəlin ollam, oturduğumu-durduğumu billəm.
    • Bir də qatırçının qatırını hürkütmə.
    • Bir dəfə aldanmışda qəbahət aldadanın, iki dəfə aldanmışda qəbahət aldananın.
    • Bir dəfə yeməknən qarın doymaz.
    • Bir dəli quyuya bir daş atdı, on ağıllı onu çıxara bilmədi.
    • Bir dəlidən yeddi məhləyə ziyan dəyər.
    • Bir dərdlinin dərmanın o dərdə düşəndən al.
    • Bir dirhəm min eybi örtər.
    • Bir doğru ki yalana oxşadı, onu söyləmə.
    • Bir əldə iki qarpız tutmaq olmaz.
    • Bir ət ki, girdi qazana,oldu yeməli.
    • Bir gələn bir də gələr, səbr elə.
    • Bir gördün namərdi, bir də görsən, namərdsən.
    • Bir işi başlamağa çalış, özü qurtarar.
    • Bir işi qurtarmamış, o biri işdən yapışma.
    • Bir qorxaq bir ordunu dağıdar.
    • Bir yaxşılıq, bir də pislik yaddan çıxmaz.
    • Bir vurmağla ağac yıxılmaz.
    • Biri oddur,gərək,biri su olsun.
    • Birlik harada, dirilik orada.
    • Bitmiş işdən gül iyi gələr.
    • Bizə yetişən keçəlin saçı dabanından oldu.
    • Bığdan kəsir, saqqala qoyur.
    • Boğaz yediyin istəməz, göz gördüyün istər.
    • Boğuşan köpəyin yarası əskik olmaz.
    • Borc alan salam da var.
    • Borc almaq başlayan yerdə dostluq pozular.
    • Borc gülə-gülə gedər, ağlaya-ağlaya gələr.
    • Borc igidi əridər.
    • Borc ilə alınan köynək adamı təmiz saxlamaz.
    • Borc ki oldu yüz, gir içində üz.
    • Borc su dəyirman dolandırmaz.
    • Borc verməklə tükənər, yol getməklə.
    • Borcdan qorxan qapısını gen açmaz.
    • Borcla alınan eşşək su yolunda ölər.
    • Borclu borclunun sağlığını istər.
    • Borclu ölməz, bənizi saralar.
    • Borclunun duaçısı alacaqlıdır.
    • Borcunu verən dövlətlənər.
    • Bostana dadanan eşşəyin qulağı-quyruğu olmaz.
    • Bostançının sovqatı kəlik olar.
    • Böyük danışanda kiçik danışmaz.
    • Böyük danışanı kiçik götürər.
    • Böyük tökəni kiçik yığar.
    • Böyüklərdə zor olar, yalan olmaz.
    • Böyüksüz evdə xeyir-bərəkət olmaz.
    • Böyüyün tanımayan qibləsin də tanımaz.
    • Böyüyün üzünə ağ olanı torpaq götürməz.
    • Bu ağıl məndə, o dua səndə - səhərəcən yatarıq.
    • Bu arşına bez verməzlər.
    • Bu cırım, bu cındırım, mən durum necə sındırım?!
    • Bu darı o aclığa çatmaz.
    • Bu əlin rənci, o ələ haramdır.
    • Bu günün işini sabaha qoymazlar.
    • Bulaq başından bulanar.
    • Bulaq gərək yerindən bulaq ola.
    • Bulaq öz gözünü kor istəməz.
    • Bulamac dəliyə qaldı.
    • Bulaşıqlı səhəngdən bulanıq su tökülər.
    • Burda dilənir, orda zəkat verir.
    • Burda oturma, his olarsan, orda oturma, pis olarsan.
    • Burnu fırtıqlı quzu buynuzu burma qoç olar.

    Yorum Gönderme

    Яндекс.Метрика